Ola a todas e a todos!
Co gallo da celebración das Letras Galegas, hoxe compartimos convosco o bingo das Letras Galegas ao que xogamos co noso alumnado de xeito virtual.
Obxectivos:
A. Aprendermos sobre a vida e obra de Ricardo Carvallo Calero, homenaxeado das Letras Galegas 2020.
B. Lembrar homenaxeados doutras edicións das Letras Galegas.
C. Gozar dun tempo lúdico e de aprendizaxe.
Material:
- Cartóns individuais de homenaxeados das letras galegas.
- Ruleta: en formato power point ou empregando o seguinte enlace .
- Preguntas recompiladas (Carvallo Calero).
Metodoloxía:
- Prememos na ruleta e riscamos ao homenaxeado que saia se o temos no noso cartón. Podemos aproveitar para recordar brevemente algún feito relevante dos persoeiros que vaian saíndo.
- Cando unha persoa complete liña poderá lanzarlle unha pregunta de Carvallo Calero ao contrincante que desexe (o obxectivo e repasarmos a súa biografía). Estas preguntas xa están traballadas previamente a través do xogo interactivo do Quizizz.
- Gaña o primeiro que consiga riscar todos os homenaxeados e cantar bingo.